Muqdisho, 16 September 2024: Wasiirka Wasaaradda Tamarta iyo Khayraadka Biyaha ee XFS, Xildhibaan Hon. Abdullahi Bidhan Warsame, ayaa xafiiskiisa ku qaabilay Madaxa Hay’adda UNICEF, Marwo Wafaa Saeed, iyo Wasiirka Wasaaradda Tamarta, Biyaha, iyo Macdanta ee Maamulka SSC-Khaatumo, Ali Warsame.
Wasiirka Tamarta iyo Khayraadka Biyaha ee XFS, Abdullahi Bidhan Warsame, ayaa kala hadlay Marwo Wafaa Saeed sidii Hay’adda UNICEF ay mashaariic horumarineed uga fulin lahayd deegaannada Maamulka SSC-Khaatumo.
Wasiirka Tamarta, Biyaha, iyo Macdanta ee Maamulka SSC-Khaatumo, Ali Warsame, ayaa warbixin ka bixiyey baahiyaha deegaanka, isagoo ku adkeeyey in la dardargeliyo mashaariicda biyaha ee ay wadajir u fuliyaan Hay’adda UNICEF iyo Wasaaradda Tamarta ee XFS.
Marwo Wafaa Saeed ayaa soo dhoweysay kulanka, waxayna ballan qaaday inay si dhow ula shaqeyn doonaan Maamulka SSC-Khaatumo.
