Addis Ababa, Febraayo 16, 2026: Wasiirka Tamarta iyo Kheyraadka Biyaha XFS, Mudane Cabdillahi Bidhan Warsame oo qeyb ka ah wafdiga uu Hoggaaminayo Madaxweynaha JFS, Mudane Xasan Sheekh Maxamuud ayaa ka qeyb-galay shir Meertada 39-aad ee Shir Madaxeedka Midowga Afrika.
Meertada 39-aad oo looga dhigay mowduuc Xaqiijinta Helidda Biyo Waara iyo Nidaam Fayo-dhow oo sugan si looga gaaro guul yoolasha Ajendaha 2063. Shirkan ayaa isu keenay hoggaamiyeyaasha Afrika si loo horumariyo qodobada hortebinta u leh qaarada ee la xiriira amniga biyaha iyo horumarka waara.
Wasiirka Tamarta iyo Kheyraadka Biyaha oo taas ka duulaya, waxa uu shirka la tagay qodobada iyo siyaasadaha mudnaanta u leh waaxda biyaha, kuwaas oo ka turjumaya sida ay Soomaaliya uga goβan tahay ka mira-dhalinta horumar waara oo laga sameeyo Tamarta iyo Biyaha iyada oo la raacayo tubta Ajendaha 2063.
